Autobiography of Rev.Dr.Samuel Nang Khan Do

TOPA’ NA A SEPPIH SIANU CING SIAN NING IN A MUHNA BANGA
REV.S.NANG KHAN DO’ THU A SOINA

Lai Siangtho leh Pawlpi Tangthute en le hang, amau’ hun tawh kituakin Pasian in makai ing na teel a, galven ciang gamsung kilempha-in, makaih siam mipilvang Pasian in a mite mah na teelin na a sepsak mah bangin, Munlai Tuiphum Pawlpi ah zong Pawlpi kem ing Sia a om loh laitak Pasian in Rev.S.Nang Khan Do hong piakna hangin ka lungdam mamah hi.

Pasian’ thuthukte ka sinseih na’ng in zong ama’ hong deihsakna, hong panpihna leh Pawlpite’ hong deihsakna tawh a kahto sei ka hi hi.

Bekdomloh, tuni ciangdong pa’ dinmun a ka ngak ahih mah bangin, ama’ hong makaihna tawh khut kilenin Pasian’ na a semkhawm sei ka hi uh hi.

Pasian’ na ka sepna ah, ama’ tung pan la king thuhoih tampi ka mu a, itna bek mah mitsuanin thu a soihiathiatnate pen a picin mamah na hi ci in ka musei hi.

Ka dinmun ong sisiam mamah in, ka kivakloh na leh ka vaihawm siamloh nate hong seisiam mamah ahih manin, kei’ ingin mihoih mipha a hihna teltakin ka phawk hi. Ahi zongin, mun sempoh ah paupeng den in, ki niamkhiat den ahih manin, a kisapna bekah ki niamkhiatin paupeng bek leh hoih kasa hi.

Tuzomah, amah kum 60 a phak ciang Tapidaw a suah kum 50, Pasian ingin hun bit a nasep kum 25, Pasian’ piak a zi tawh kum 32 sung cidam khawm in, tanu tapa unau 10 Pasian in leitung thupha, kha thupha kicing takin a piak ka muh ciangin ka lungdampih mamah a, Pasian’ min ka phat hi.

Kum tampitak Pasian’ na a sepna lungdampih na leh pahtawina in ke’n zong hi lai ka at hi.

Pasian in a nasempa leh a innkuanpihte thupha ong piaksak henlan, I Pawlpi sung ong kemsiamin, cidamna leh khansauna ong piaksak ta hen.

Sianu Cing Sian Ning
Assistant Pastor
Munlai Baptist Church