Autobiography of Rev.Dr.Samuel Nang Khan Do

THU MASA

Laibu vei khat zong bawl ngeilo napi, ka tangthu laibu a bawl ka sawm ciangin, mi’n thupisa in hong sialsak nuam taw, ci in ka lamen heto a, ka tu ka tate khatpoh simlei mithak in hong om lei a hong sialsak leh, “Aw, i pa tangah pakhat hi napi’n Topa’n thupha na pia hi tah a’ ci in Topa’ min a phat seih na’ng uh ka deihna bulpi hi zaw hi.

TEIZANGPAU TAWH AT SESE

Teizangmi ka hih manin Teizangpau in a at hi loin, ka nu le ka pa Teizangpau sung pan suakin, Teizangpau mah tawh hong sihsan hi. Ka nu’ ka pa’ pau mah amau kaphawk na a a zangh ka hi hi.

Teizangkam pau innkuan sung nangawn ah khat le khat lai a kisak uh cianginTedim pau a a ki at sese, Teizangpau in ABC a kimalngawm sei tangam, ci a ka kisinna kawm a ka at ahi hi.

Teizangpau i cih pen, lamlak pan a mattawm pau hi loin, i pu i pate ii tangtawng pek pana a zat uh pau a hihna zong mi’n hong phawkpih leh ka deihna zong a hi hi.

Teizangpau a lai at sei ong, a cite a hih leh Zolai siam nai lo ngiat hi ci in ka ciamteh hi. Lai ong bawlsak Dr.Cope in zong “Nang u pau nangawn a laimal ngawmsei nai lo, ze lai tak uh ci maw” hong ci hamtang in ka um hi.

Teizangpau i cih pen Tedimpau tawh a ki lamdan’ na om lo a, a awkaih leh kammal khat malnih hawng a ki lamdang bek hi in, pawlkhatte’n zui sei lopi mah kawi ngaingai pi mah a a pau uh kazak ciang amau tangin kei ka maizum mamah zel song hi. Ak a liandeuhte, vok a liandeuhte Mangte pia in, a no deuh teng Zo ak, Zo vok i cih tawh kibang kasa mamah hi.