Autobiography of Rev.Dr.Samuel Nang Khan Do

LUNGDAMKOHNA (May, 2001)

Kei’ hang hilo, Pasian’ ong hehpihna tawh;

(1) Simlei tungah kum sawmluk ong damsak
(2) Ka Tapidaw suah kum 50 ong cingsak,
(3) Ama’ na ka sep kum 25 ong cingsak,
(4) Ka zi tawh kum 32 ong damkhawm sak,
(5) Tanu tapa 10 te’ maitang ong musaklai
(6) Teen na’ng inn ong pia Pasian’ tungah lungdam ka ko masa hi.

Mualsuang tanga ka tangthu laibu-a ka bawl a kicinseih na’ngin, ka zia ka tong ong sei, ka naseppih SiaNu Cing Sian Ning; ka naupa Sergeant Sian Za Kham(retired); taangthu at zia ong ngelsak Pu Khual Khaw Cin (Mualbem) leh lai ong ngualhsak a ong khetsak Tg. Hau Khen Kham (BTh.1st yr.,ZTC, Falam) te’ tungah lungdam thu ka ko hi.

Ama’na kasep zawh kum 25 cin, kei tawh kituaklo liang a pahtawina ong pia innteek Pawlpi, KVBA, KVBA MC, Area tuatuam, Pawlpi tuatuam leh mimal ii lungdampih pahtawinate leh ZTC Alumni Association panin Pahtawina Laipi ong piate sempoh tungah lungdam thu kong ko hi.

Hi lungdam koh thungetna ah innteek dinmun ong laksak a om na’ng, khawl na’ng ong vaihawmsak, nek ing dawn ing zu le sa ong sik, hun le vai ong hawm sak, la nangawn ong phuahin ong sak Munlai Tuiphum Pawlpi’ tungah nakpi takin ka lung dam a, ke’n ong suk zolo ing ka hih manin, TOPA in hong suksak hen, cih in ka thungetna lianbel ahi hi.