Autobiography of Rev.Dr.Samuel Nang Khan Do

                               HAMPHA KA KISAKNA LEH HAmSIA KA KISAKNA

HAMPHA KISA ING

(1)    It sam hetlopi ka nu in hong it ngeungau a, pasal nei ngam hetlo a hong ngak mah
         hampha kisa ing.
(2)    Micia sacia phalo napi, phamawh ka kisak het loh zong hampha kisa ing.
(3)    Cidam het lo napi, Pasian ii kum 60 bang hong nuntaksak mamah zong hampha kisa ing.
(4)    Mi bangin cihtaakna neilo napi, Pasian in kum 25 ciang A’ na hong sepsak hampha kisa
         ing.
(5)    Ka nasepna ah kikhuaisuah seih na’ngin langpang tampi om napi’n, ka thuak keikai
          zawh manin hampha kisa ing.
(6)    Pawlpi’ hong piak sasum, a tawm a tam cilo a phun hetlo ciak hetlo tak-a ka khom seih
          na’ng a ka zeek keeikaai seih zong hampha kisa ing.
(7)     Kei’ lam zawh loh ing, Germany a Mr.Jochim Kummerfelt ii motorcycle lei na’ng hong
          piak miau zong hampha kisa ing.
(8)     Zawng mamah napi, mi’ tungah leiba ka neih het loh zong hampha kisa ing.
(9)     Ka teen ka omna innveng innpam tawh kihauh kitotna a om loh zong hampha kisa ing.
(10) Tanu tapa unau sawm tawh tuni dong Pasian ii cidam ludam hong piak hampha kisa ing.
(11)   Ka it ka zi tawh kum 32 sung hong cidamkhawmsak Pasian’ hangin hampha kisa ing.
(12) Khua le tui ing deihsakna tawh tan 1 pan tan liat dong kum 11 pilna ka makaih zong
          hampha kisa ing.
(13) Nik le puan lei kul lo-a hong hehpihte’ letsong tawh ka kawngkolh loh hampha kisa ing.
(14) Ka thubulphuh bangin Pasian in tangah te hu a, teen na’ng, om na’ng inn hong piak zong
          hampha kisa ing.
(15) Thumanlopi tawh hong langpang a om ciangin, thuman tak tawh hong panpih mi tampi
          hong om zel manin zong hampha kisa ing.

HAMSIA KISA ING

(1) Pa’ mel mulo a ka pian hamsia kisa ing.
(2) Ka phung ka nam ing ka zontawm sese hamsia kisa ing.
(3) Thuman thutak tawh thu soi napi in, mite’n mel le sa tawh hong etcip man thu- a hong
       kisim sakloh mah zong hamsia kisa ing.
(4) Ka no tunga pilna sei napi’n, sum le pai kisapna hanga mi ka bat loh hamsia kisa ing.
(5) Ka hihna lian sialloh, kibawltawm a, mite lungkimsak ing ka tup hetloh hamsia kisa ing.
(6) Micitaklo ci a ka theihsa khat, mi citak ing a ka neih theih nawn hetloh hamsia kisa ing.
(7) Mite’ ing deihsak tak-a ka sepna ah langpan’na lam hong kilehheisak zel hamsia kisa ing.
(8) Maak khat ka neihsun, Mang Cin Pau, a ni tum baih lei song a, a nutsiat a zi leh tunote ka
       muh elel ciangin sasiat lawhin ka situi a lualuan zel zong hamsia kisa ing.