Autobiography of Rev.Dr.Samuel Nang Khan Do

NUAM KA SAK HETLOH THU PAWLKHAT

Ka Pawlpi in, hong en hong kemin lung damhuai mamah napi’n, ka naseppihte tawh ka dinmun uh a kibang kimlai kibanglo hi, a cih sese.

(1) Pawlpi By-law ah, Pawlpikem Sia peuhmah Munlai Pawlpi huam sungah om ing hi, ci
      hi. Munlai Pawlpi huam pen Layingsuh (Dakdung) leh Tahan pan khua thum a huam hi.

(2)(a) Tu ahih manin, Rev.Tung Za Pau te nupa Sia-a a kilak lai in zong Pawlpi huam
           sung ahih manin Tahan Tuang Zamte’ inn ah kikoih hi.
     (b) Sianu Cing Sian Ning zong a masa in, Tahan a pate’ inn ah om in, tulaimah pan
           hong semto hi.

(3) Kei’ omna zong, Tahan Nayme 15/179 Munlai Pawlpi huam sung mah ahi hi.

(4) Ka naseppihte’ tungah kamkhat zong selbanna om hetlo napi’n, Tahan ka inn ka zot
       ciangin, by-law tawh kituaklo, Munlai Pawlpi huam sung hi lo hi, hong kici sese.

(5) Munlai Pawlpi nusia-in, Tahan ah kal suk napi ka thusiamna uh tawh a sasum ka pe
       veve uh hi, hong kici see.

(6) Kei’ lam zawh hi lo, thu-um mite’ deihsakna tawh hong kipia nik le puan tawh kizemin
      Biakinn zuan leng zong ‘Vok man nuam bang’ hong kici sese.

(7) Hong ensan mi nih le thum ii bawl tawm lai tawh lampi manlopi-a KVBA zum
      hawngah mindai sese.

Hi thute ka ngaihsut ciangin hong hehpih hong khual, hong itte’ tungah ka lungdam mamah napi’n, a tunga thu teng ka ngaihsut ciang nuam kasa het o zel hi. Ahi zongin keimah nopsakna tawh na sem ing a kipan ka hih lohpi maw, ci in ka ki hehnem zel hi.

Upate’n pulpit tungah Siate in mikona zat ing hi lo hi., ci in awng zakzak na pi’n, a pulpit tung pan mahin amaw mah in pan masa zelin, ahi zongin amaw seilo bilbel uh hi. Seisei hi le uh a mai uh zum tei-in ka ummawh sam hi. 1990-2000 thu hi.

TAHAN AREA AH AREA PASTOR SEPNA　

Kum 1990 KVBA Khawmpi panin Rev.Awn Khan Pau in General Secretary hong sep ciangin, Tahan Siakhawk a Area Pastor ingin hong kikoih a, sem seilopi mahin kum nih sung(1992 dong) Area Pastor ka sem leleu hi.

Pasian’ hehpihna tawh Area Pastor ka sep sungin CCOC ngammial nawk pawl kum nih sung mikhat ‘ ai pia sei lei a, ka cit zawh loh ciangin ka tapa Mr.David Pauno in hong panpih sei ahih manin a matun sei ka suak hi.

1992 kum ciangin Rev.Zam Khan Khual hong tung a, ama’ tungah Area Pastor ka ap paih hi. 1992-’94 dong Munlai Tuiphum ah Pawlpikem Sia ka sem leleu a, 1994 dong mah ka semsuak hi.