Autobiography of Rev.Dr.Samuel Nang Khan Do

KA NU’ HONG NUTSIATNA (August 31, 1985 )

Ngalzang khua pen beh le phung khua ahih manh bangin ankhing tuibuk ah zong nuamin thu le la ah zong nuamsa-in ka om laitak un, ni khat, ka pu Thang Suan’ zi ka u Nuam Khaw Awi damlo, muanhuailo a a ki soi manin ka nu zong va pai-in, ka pute teng’ inn kimah ka hawh, a anlim a tuilim teng’ kham phitphet in kong kal, hong ci hi.

Ahi zongin, ka khualui vua ka u Awi a veh hong kal-a kipan a ci noploh pan kipanin dadamin hong zawm dedeuh a, innkuanpihte’n ka longiakna ah hong sam hi. Cina zawm ci a kisam damlo suak kha leh ci-in, ka vok ka ak khawi teng inn ah ka kalpih leh, inn ka tu’n ciangin amuanhuai lah lo cih ka muh ciangin ka lungdam hi.

Keima’n zatui zatang tawh ka hihseih bangin ka bawl zel a, Zato nai lo ahih man kei’ bawl tungsiah bel cihngaih na’ng a omlo tawh kibang hi.

Ni khat, ka nu in ‘Do aw, nidang nong bawl ciang dam paih napi’n, tutung nong bawlte nuamtuam hanhan sei ong’ hong ci hi. Ahi zongin, kei zong sinkiamlo takin nisial mahin ka bawbawl lei hi.

Ni khat, Pauno’ nu in lo lam pan tangmai moi limtuak mamah hong puak hi. Ka nu’n ‘Do…ne sei ing hi leng hi tangmaite duh buang si’ng, ka nesei tang am’ hong ci hi. Ke’n bel ka lungsim in awi khollo ka hih hangin, kisikna euhkhano sung ahih ciang ci in, Nu aw, na duh leh hong metsak tong maw ci in keimah mah inn meetsakin zing li suahin ka piak leh limsa ahih manin tu’n nungta tuam liang ing ei Do, ka lungdam buangsi’ hong ci hi. Ka nupa un lungdam sim nginge in ka om laitak un, hong lingngawp in kibawlsei nonlo dinmun-a ka muh the, a tute teng a lutung ah a khut ngasak in thupha a piak khit the, a hu hong bei a nu neilo ka suak song hi.

Pian’na nu’ hong nutsiat ni tatk ahih leh situi in nasem bekin, lungsim in nadang zong ngaihsun sei nonlo liang hi.

Ka nu’ hong nutsiat ciangin, Pu Nang Za Kap in ka nu ngilh na’ngin, thunung thuma omlo hi, ci in sialtalpi khat hong kai phei a, ke’n zong meipum khat mah tawh ka nu hong khunpihte sunsiah ka nguan hi.

Ka pian zah nung ka bangkua sung vuah ka it belh ka nu ii hong nutsiat ciangin, hi bangin la kasa hi.

(a) Tun aw, tuang nu nong siat ni’n ee,
      Zan ciang ka zalmang bang ee.
(b) Lungdeih albang tah manlo a, zua siang lambang na zon ni’n ee,
      Von leh sawn teng luansi in ningbang tum ee.

(a) Pu von zinbang hong sakna sawmsial lian ee,
      Melmak zua tawh lailung na dam nam aw ee.
(b) Sambang zalna Sian’ anglai pan tun aw, hawmtel hong tan lo aw,
      Von nihgel leh na sawn nih thum sambang hong huai lai ve aw.

Ka nu’ tunga hong kingalna sum Ks.3500/- hawng kingah a, melmuhna in Kawl ka tun ciangin HERO siksakol khat ka lei a, Lamboih’ pasal neih ciangin ka moken hi.

Hong phawk hong hehpih u le nau, pi le pu, khuaveng tuiveng teng leh Pawlpi mimal ii tungah Topa in hong suksal leh ingin ka thungetna lian bel ahi hi.