Autobiography of Rev.Dr.Samuel Nang Khan Do

BIAKINN LAMNA (1969)

Khuata ka hih banvuah Tapidaw zong inn luk hawng bek ka om uh a, Biakinn zong nei loin, inn hawngah ka kikhawm sel uh hi.

Rev. Thang Lian hong pai bang ciangin Pasian zahin ka ngaihsun uh hi. Tu kum mah in Biakinn sing ngalsing khawmtuah in Biakinn khat kilam a, 1969 kum ciangin vok tuknga khat tawh Rev. Thang Lian in Pa, Ta leh Kha Siangtho min tawh hong honsak hi.

ZI NEIHNA (December 27, 1969)

Tangah pakhat poh, mi zong bang ngei lo, cih ka lungsim ah om nginge ahih manin zi neih ing zong ka mangmat ngei o hi.

Ni khat, ka nu tawh huansung kaapibul hah in thu ka kikup uh leh, ka nu in ‘nikhat ni ciang ka tunote pua-in hi mah bangin kaapibul hah hi leng ut mah si’ng’ hong ci hi. Ama’ cihnopna lah kibang lo a zinei leng kei’ kong it bangin hong ki-it o leh, kei lah sasia ing, nang lah sasia ing, tusang hi bangin om leng lungnopna hi zaw’ ka cih leh ka nu in ‘Zi nei ing hi lecin Tapidaw suak paih tong,’ hong ci song a, ken zong ‘Tu ahih leh Tapidaw hong suak takpi in lan, ke’n zong zi nei paih tong’ ka ci leh, ka nu Tapidaw hong suak takpi in Rev.Mang Khaw Pau in tui hong phumsak paih hi.

Ka nu’ tungah leiba suak ka hih manin ka zi ing zongin ka vaak kheenkheen leh upmawhlohpi’n ka pawlpikem huhsia Pa En Lang’ tanu lina, a nawi zong limbawk nailo, tu-a ka zi Suan Sian Cing tawh ka mitnauta uh Topa in hong kituaksak vat song a, ka nute zuthawl pia ingin ka pai sak leh, hong pia ngah bilbel-in, tu zan in bel ka lungdam ahi tang am zong ka ihmu sei o liang hi.

Ka nu in lah hong nawh mamah ahih manin Ngalzang-a huhsia a sem ka pano uh, Nek Khaw Thang in, ka khua Biakinn vuah 27^th December 1969 ni-in a siangtho kiteenna tawh nupa hong suaksak hi.

Hi ka zi neih pen kei’ ing sangin ka nu’ lungnop na’ng ka deihsakna hizaw hi. Pasian in zong thupha hong pia a, 18^th June 1971 ni-in tapa khat hong pia a, ka pa dapsak paihin, ei’ ingin Pasian pau lawlawm cihna tawh “Ngin Sian Pau” ka phuak uh hi. Ngin Sian Pau hong pian ciangin Naomi bangin ka nu in “Tu ngawngaw-in ka kilamet ngam hetloh tu a mu hi ta’ng ei, ka si zong tumu-in a si ing hi ta’ng ei, ci-in a lungdam mamah hi.