Autobiography of Rev.Dr.Samuel Nang Khan Do

KUMPINU’ NA SEPNA LEH TANSAWM PHINA

TOPA’ hong huhna tawh High School Final ka zawh ciangin, Kauhpetinan zum, ngui sayin ah laiat ka sem paih a, ka sasum pen K.127.75 ahi hi. Hi zum-a ka sep kawm mah in tan sawm ka phi a, a ong mamah ing-a ka kilamet pen ‘B’ bek mah tawh ka ong hi. Tankua pen kilamenlopi-a ong, tan sawm pen kilamen ngeungau-a ong lo. Pasian’ nasepna leh mihingte’ ngaihsutna a kibatlohzia phawk sesemin Pasian’ min phatna’ ka nei zawkan hi.

Kumpinu’ na semin nuam mamah ka sak laitakin, Kawlpi kual teng tuipi hong limin kialpi hong tung song a, antang tangkhat in 80/90 hong manto ta hi. Tutak ciangin, ka lungsim sungah hi ka sasum tawh ka nu vak zolo ing ka hih manin, ka nu khiangah omin a lungnopna-in ama’ nasep khat pawpoh huh leng hoih taw, cih ka lungngai hi. Tuciangin, ka tawp seih nangin ka vuandokpa uh apple tawi thum puak in, sang ka kah leh ing, ka cih ciangin hong khawlsaksei pan hi. Tu loin kumpi nasemsa khat peumah minsiatna a neih o nak leh a tawp na’ng thu aom theilo na hi hi. A khuan ka ngah ciangin khua-ah kal-in ka nu’ nasep poh seppih-in ka nu’ nung tawmvei ka zui hi.

HAHKAT SANG PHUATNA (1968-1971)

Khualam ka kaltoh kum kai man loin khua sungah Hahkat Sang khat ka phuan-a zingsang pan nitak dong tanlang panin tanli dong leh nitak mei-innpi vakin Zolai sang leh pilna tuatuam upate tawh kikop in ka phuan hi.

Hi sungah sang kum li sung bang pilna ka hilh hangin ka Pasian nasepna hi, ci-in sum pia khat zong ka la het o hi. Ahi zongin hong hehpihte’n satang tawh ka nu losawh na huh sei zel uh a, ka lungdam mamah hi.

Kei’ ngimna-ah ahih leh, lai hong seiin Lai Siangtho hong sialsei leh Pasian ong sei ing-a Tapidaw hong suak ing, cih ahi hi. Ahi zongin, kei’ ngaihsutna bangin hong piang seilo song hi.

Ahi zongin, sang ka phot zawh a kum sawmna 1978 ciangin Kumpite’n Kumpi Sang-in hong teptehsak ahih manin ka lungdam veve hi.

Ahi zongin, ka khuapih ka tuipihte’ nithek ka et ciangin a lungdam ing sangin hong langpannopna dan hawng poh ka mu zawsop a, lamdang ka sa phial hi. Ahi zongin nahoih khat i sep ciangin a hici sei ing mah hi, ci-in kei mah leh kei mah ka kihehnem zel hi. Kei pen notunga Tapidaw suak khat ka hih hangin innlam om ngeilo-in mundang vive ah om ka hih manin ka nasep tawp zawh 1968 February 20 ni-in tui ka kiphum pan hi.